Cerber Rumayok (17) : Ngison Kauyin-unyin

Motu ti kiri.

Wat rangraya ronik.

Ti kanan lagi.

Wat bangunan ronik.

Disan nambun bakas rik baibai.

Andongiko arahan Mas Bagus, sutradara filom.

Jolmana lokok ngura, pocakna holau.

Buktina, waktu dikonalko Mbak Thea rik Hasan cs, ya mih maha.

Ngorah mojong busila.

Ngopi, ngudut rik nganik kayupuk ngoyup-ngoyup

Buntak bacaan, Mas Bagus kilu tulung maranai paksa turuk main filom.

Istilahna turuk ngaramiko.

Samacom figuranda kira-kira.

"Tapi Mas, kami berempat ini belum punya pengalaman apa-apa Mas main film," akudu Hasan.

Bangikda torus torang.