Kunci Jawaban Bahasa Sunda Kelas 6 SD Halaman 2-3 Kurikulum Merdeka, Pengajaran 1, Manuk Piit

SRIPOKU.COM - Berikut adalah kunci jawaban Bahasa Sunda kelas 6 SD halaman 2-3 Kurikulum Merdeka, Pengajaran 1, Manuk Piit.

Siswa dapat menggunakan kunci jawaban Bahasa Sunda kelas 6 SD halaman 2-3 Kurikulum Merdeka ini sebagai referensi belajar.

Dilansir dari YouTube Seribu Satu Ide, inilah kunci jawaban Bahasa Sunda kelas 6 SD halaman 2-3 Kurikulum Merdeka yang dapat dipelajari.

Baca juga: Soal Ulangan Esai Bahasa Indonesia Kelas 6 SD Semester 1 Kurikulum Merdeka Lengkap Kunci Jawaban

Urang Ngaregepkeun Yu

Téks Carita Pondok

Regepkeun pedaran di handap

Manuk Piit

Enya ogé bél balik sakola geus disada, barudak SDN Haurngombong henteu langsung budal saperti biasa. Puguh hujan angin mani ngagebrét. Ret hujan kakara barudak lalumpatan baralik. Di handapeun tangkal cengkéh, Ropi manggih sayang manuk piit murag. Barang ditoong, anak manuk piit mani récét. Tayohna sayang manuk téh murag ku hujan angin.

"Kumaha atuh miarana?" saur Amih basa Ropi ningalikeun anak manuk piit mani saopat-opat.

"Abdi ogé tiasa, Amih. Apan kapungkur Tian kantos gaduh anak manuk piit. Diparabna téh ku béas kenging ngabeuweung," témbal Ropi.

"Nya ari daék miarana mah syukur waé, da indungna mah sigana moal daék deui. Ngan lamun geus bisa haliber mah, alusna dileupaskeun waé."

"Muhun, Amih."

Sapoé tilu kali anak manuk piit téh diparaban. Ari diasongan beuweung béas téh mani parebut. Saminggu ti harita anak manuk piit téh mimiti kaluar tina sayangna. Tuluy gegelebéran diajar hiber. Dua poé ogé geus barisaeun eunteup dina palang hordéng.

"Amih, anak piit téh sigana tos tiasa hiber. Ku abdi badé dileupaskeun," ceuk Ropi.

Amih saukur unggeuk. Basa dihiberkeun di buruan, manuk piit téh mimitina mah balik deui balik deui kana kurungan. Tapi lila-lila mah ngajauhan, tuluy muter ngurilingan Ropi, geus kitu mah hiber jauh duka ka marana. Ropi carinakdak ningalina bakat ku sedih.